АҞӘА, мшаԥы 14- Sputnik. Уахыки-ҽнаки рыла Аԥсны ауааԥсыра COVID-19 азы атестқәа арҭеит 37-ҩык, урҭ рахьтә ҩыџьа аҿкчымазара шрымаз аадырԥшит ҳәа аанацҳауеит ауааԥсыра акоронавирус рацәыхьчаразы аоперативтә штаб.
Ари аамҭазы Гәдоуҭатәи араионтә хәшәтәырҭа хадаҿы ишьҭоуп 12-ҩык, рҭагылазаашьа бааԥсуп ҩыџьа, ибжьаратәуп 10-ҩык. Аҟәатәи аинфекциатә хәшәтәырҭаҿы дырхәшәтәуеит акоронавирус зцәа иалоу аӡәы. Очамчыра ирхәшәтәуеит ҩыџьа, Гагратәи ахәшәтәырҭаҿы - аӡәы, Тҟәарчалтәи ахәшәтәырҭаҿы чымазаҩык дышьҭоуп.