"Амҩа еибгоуп. Адәыӷба уахь ицоит, иаангыларатәы аԥхасҭа ыҟаӡам, аха ас еиԥш ахҭысқәа ҟалалоит ҳа ҳҿы имаҷымкәа. Ҭыԥқәак рҿы аихамҩа амшын иахьазааигәаҵәҟьоу ичаԥаны аҭыӡқәа гылоуп, џьара-џьара ашьха аганахьалагьы иҟоуп. Цандрыԥшь аҭыԥ аҿы амшын иҵнаӡәӡәааит, ичаԥаны иҟаз аҭӡы бгеит. Аихамҩа иааҳбаратәы илаҟәит, итәеит. Аҷкәынцәа аргыларатә ҟәшаҟынтә аус адыруларц ргәы иҭоуп. Аамҭала ахаҳә ҭаԥсаны иаанкылоуп аҳәазара", - ҳәа еиҭеиҳәеит Ҟәыруа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.