АҞӘА, мшаԥы 18 - Sputnik. Урыстәыла ахада ипресс-маӡаныҟәгаҩ Дмитри Песков иҳәеит Владимир Путин Украина аоперациа ҷыда аплан инақәыршәаны имҩаԥысуеит ҳәа шазгәеиҭаз. Абри атәы аанацҳауеит РИА Новости.
"Арратә операциа ҷыда шымҩаԥысыц имҩаԥысуеит. Ахада, ааигәа акосмодром аҿы даныҟаз иҳәеит уи аплан инақәыршәаны ишымҩаԥысуа. Убри инаваргыланы, аиҿцәажәаратә процессгьы аҭыԥ амоуп ҳәа азгәаҭан", - иҳәеит Песков.
Апресс-маӡаныҟәгаҩ иара убасгьы иҳәеит, ахада иажәақәа рыла, украинатәи аган аиҿцәажәарақәа рҿы лассы-лассы ражәа, рпозициа шеиҭаркуа, аиҿцәажәара адинамикагь ушамыргәырӷьо.
Украина арратә операциа мҩаԥысуеижьҭеи ҩымз ирықәуп. Ари аамҭа иалагӡаны имҩаԥган аилацәажәарақәа авидеоформат алагьы.