АҞӘА, мшаԥы 19 - Sputnik. Аԥсни Москватәи аобласти акультуратәии атуристтәии усхк аҟны реинырразы апроектқәеи азҵаарақәеи ирылацәажәеит Аԥсны акультура аминистр Даур Ақаҩбеи Москватәи аобласт акультура аминистр Елена Харламовеи. Абри атәы аанацҳауеит аусбарҭа апресс-маҵзура.
Аганқәа ажәадгалақәа ҟарҵеит Аԥсни Подмосковиеи арҿиаратә коллективқәа рконцертқәа мҩаԥгалазарц.
Уи адагьы ирылацәажәан агастрономиатә туризм аҿиара аԥеиԥшқәа.
Хазы ирзааҭгылан атуристтә ныҟәарақәа рҳәаа арҭбаареи атәылахь атуристцәа рхала раара алыршареи.
Даур Ақаҩба Аԥсны акультура аминистрс дҟаҵан мшаԥы 6, 2022 шықәсазы.
Мшаԥы 17 азы Даур Ақаҩба акультура аминистр иҳасаб ала аусуратә еилацәажәарақәа рзы Москваҟа дцеит. Аиԥыларақәа рҳәаақәа ирҭагӡаны Аԥсни Урыстәылеи рыбжьара 2022 шықәса рзы акультура аусхк аҿы русеицура азҵаарақәа рылацәажәара азԥхьагәаҭоуп.