Аԥсны

Аҩазы аӡбақәҵа: аԥснытәи ааглыхыҩцәа реиндаҭлараҿ аҩы агьамагәаҭара шымҩаԥысуа

Аԥсуа ҩқәа рмилаҭтә еиндаҭлара мҩаԥысуеит аҭыԥантәи ааглыхыҩцәа адгылара рыҭаразы, Аԥсны иҭарҭәо аҩы ахаҭабзиара аиӷьтәразы.
Sputnik
АҞӘА, мшаԥы 26– Sputnik, Бадраҟ Аҩӡба. Аԥсуа ҩқәа рмилаҭтә еиндаҭлара аҳәаақәа ирҭагӡаны аилахәыра "Аԥсны аҩқәеи аӡқәеи" аҟны аҩгьамагәаҭара мҩаԥысуеит.

Агьамагәаҭаратә комиссиа ахантәаҩы, еицырдыруа аҩыҟаҵаҩ Анатоли Аҩӡба иҳәеит ирыдгалоу аҩқәа рхаҭабзиара агәаҭара ишалагаз мшаԥы 25 азы.

"Иацы 11 ҩхкы гәаҳҭеит, иахьа –13, уаҵәы ауснагӡатә хыркәшахоит. Азауад анапхгара Николаи Владимир-иԥа Ачба, Валери Борис-иԥа Аҩӡба, аколлектив зегь ҭабуп ҳәа расҳәоит ари аҩыза аҭакԥхықәра иахьаҵагылаз. Ахаҭабзиара еиҳа еиӷьзар ҳҭахын, аха идыруп алшарақәа шырацәам. Иахьа ажь бзиа уманы аҩы бзиа узҭамҭәар ҟалоит. Аҩыҟаҵаҩ иуалу ажь бааԥс аҩы бзиа алхроуп. Ари мариам, аха иалшартә иҟоуп. Убри азы аиндаҭлара агәаԥхара цәырнагароуп. Уи дара реиԥш ареспублика зегьы азы ихәарҭахашт", - иҳәеит акомиссиа ахантәаҩы.
1 / 6

аԥснытәи ааглыхыҩцәа реиндаҭлараҿ аҩы агьамагәаҭара шымҩаԥысуа

2 / 6

аԥснытәи ааглыхыҩцәа реиндаҭлараҿ аҩы агьамагәаҭара шымҩаԥысуа

3 / 6

аԥснытәи ааглыхыҩцәа реиндаҭлараҿ аҩы агьамагәаҭара шымҩаԥысуа

4 / 6

аԥснытәи ааглыхыҩцәа реиндаҭлараҿ аҩы агьамагәаҭара шымҩаԥысуа

5 / 6

аԥснытәи ааглыхыҩцәа реиндаҭлараҿ аҩы агьамагәаҭара шымҩаԥысуа

6 / 6

аԥснытәи ааглыхыҩцәа реиндаҭлараҿ аҩы агьамагәаҭара шымҩаԥысуа

Аԥсны араионқәа рҟынтәи иалкаан 100 ҩ-хкы, алаборатортә ҭҵаарақәа рышьҭахь 62 мап рыцәкын. Иаанхаз 38 рҟынтә иреиӷьу алыркаауеит.
Анаплакы алабораториа ахимик Жаннетта Асатуриан еиҭалҳәеит аҩбатәи амш азы ишгәарҭоз аҩышкәакәа хкқәа фба, аҩеиқәаҵәахкқәа быжьба.
"Аҩы шкәакәа хьшәашәаны иҟазароуп, аҩеиқәаҵәа аҩнуҵҟатә ԥхаррала иҟазароуп ахәшьарақәа рыҭаразы", - лҳәеит лара.
Аԥсны
Аԥсуаа ркультураҿы аҩыҟаҵара аҭыԥ аазырԥшуа ацәыргақәҵа мҩаԥысит "Гума"
Аиндаҭлара хықәкыс иамоуп аҭыԥантәи ааглыхыҩцәа адгылара рыҭара, Аԥсны иҭарҭәо аҩы ахаҭабзиара аиӷьтәра.
Иаиааиз рыхьӡ ҳәахоит мшаԥы 28 азы, акультура-усутә ҭыԥ "Гәыма" аҿы. Ауснагӡатә аатуеит асааҭ 16:00 рзы. Аиндаҭлара аԥыжәаратә фонд ҩ-миллион мааҭ ыҟоуп. Гран-при зауа миллионк иҭахоит.
"Иреиӷьу аԥсуа ҩы-шкәакәа – 2022" аҟны актәи аҭыԥ зго 300 000 мааҭ иаҭәашьахоит, аҩбатәи аҭыԥ зго – 150 00, ахԥатәи – 50 000.
"Иреиӷьу аԥсуа ҩы-еиқәаҵәа – 2022" аҟны актәи аҭыԥ зго 300 000 мааҭ иаҭәашьахоит, аҩбатәи аҭыԥ зго – 150 00, ахԥатәи – 50 000.
Аԥсны
Аиндаҭлара иалахәхо аԥсуа ҩқәа рыҭҵаара иалагоит