АҞӘА, мшаԥы 26 – Sputnik. Приднестровиатәи Молдавиатәи ареспублика, Алашарбага аҳаблаҿы атҟәацыбжьқәа ҩба геит ҳәа аанацҳауеит РИА Новости арегион ААР адыррақәа шьаҭас иҟаҵаны.
"Мшаԥы 26, ашьыжь Приднестровиатәи Молдавиатәи ареспублика, Григориопольск араион Алашарбага аҳаблаҿы атҟәацбыжьқәа ҩба геит: актәи асааҭ 6:40, аҩбатәи асааҭ 7:05 рзы", - ҳәа аанацҳауеит ААР Telegram-канал аҿы.
Атҟәацра иахҟьаны ааха роуит урыстәылатәи арадио здызкыло арадиоантенна дуқәа ҩба.
Аусбарҭа адыррала Приднестровиатәи арадиотелецентр (ПРТЦ) аусзуҩцәеи аҭыԥантәи ауааԥсыреи ааха рмоуит.
Мшаԥы 25 азы ПМР аҳҭнықалақь Тирасполь АШәМ ахыбра иаехсит атанк иаҿагыло агранатаршәгақәа рыла.
Приднестровие аҭагылазаашьа инадҳәаланы Молдавиа ахада Маиа Санду Иреиҳаӡоу ашәарҭадаратә хеилак аилатәара мҩаԥылгеит.