АҞӘА, мшаԥы 27 - Sputnik. Адепутатрахь 8-тәи алхырҭатә ҭыԥ аҟынтә акандидат Џьансыхә Адлеиба иқәыргыларазы аԥшьгаратә гәыԥ ашәҟәы иҭагалоуп ҳәа аанацҳауеит АКХ апресс-маҵзура.
Џьансыхә Адлеиба Аҟәа 8-тәи алхырҭа ҭыԥ хада аҟны кандидатс дықәгылоит. Аиҭалхра мҩаԥгахоит лаҵара 28 азы.
Аԥсны Жәлар Реизарахь адепутатраз акандидатурақәа ықәзыргыло аԥшьгамҭатә гәыԥқәа ашәҟәы иҭарыҩуа иалагеит мшаԥы 8 азы, ихыркәшахоит мшаԥы 28 азы.
Гәдоуҭатәи 18-тәи алхырҭатә ҭыԥ аҟны аиҭалхрақәа мҩаԥысуеит лаҵара 14 азы.