АҞӘА, мшаԥы 29 - Sputnik. Амҽыша, лаҵара 1 азы Очамчыра араион Кәтол ақыҭан имҩаԥысуеит аҽырыҩра, Ааԥынреи Аџьеи рымшныҳәа иазкны ҳәа аанацҳауеит аспорт азы Аҳәынҭеилакы.
Ауснагӡатә иалагоит асааҭ 11:00 рзы.
Иазԥхьагәаҭоуп 1400, 1800, 2000 метра аиԥхныҩлара 1941-1945 шықәсқәа раантәи Аибашьра Ду аҟны иҭахаз аибашьцәеи 1992-1993 шықәсқәа раантәи Аԥсны Аџьынџьтәылатә еибашьраан иҭахаз Даур Ачбеи ргәалашәараз.
Уи адагьы, аиндаҭлара мҩаԥгахоит аимҵакьачеи аҵәыршәреи рзы.
Атурнир иалахәхоит Гәылрыԥшь, Аҟәа, Очамчыра араионқәа.