АҞӘА, мшаԥы 29 - Sputnik. Аԥсны хымш инеиԥынкыланы аԥсшьарамшқәа ҟалоит мшаԥы 30 инаркны лаҵара 2 рҟынӡа, абри ануп иҳаҩсыз ҭагалан азы Аминистрцәа реилазаара ирыдыркылаз 2022 шықәса рызтәи аусеиҿкааратә мзар.
Лаҵара 1 - Ааԥыни Аџьеи рныҳәа амҽыша иахьақәшәаз инамаданы, ашәахьа лаҵара 2 иусуратәым мшны ирылаҳәоуп Аԥсны.
Лаҵарамзазы иусуратә ныҳәатә мшқәоуп иара убас лаҵара 9 - Аџьынџьтәылатә еибашьра ду аан Аиааира амш, лаҵара 23 - Иԥшьоу Апостол Симон Кананит имш. Рыҩныҳәак ашәахьа иақәшәеит.