АҞӘА, мшаԥы 29 – Sputnik. Урыстәыла аоператив-тактикатәи арратәи авиациа уахык ала Украина 112 обиект ааха рнаҭеит ҳәа адырра ҟаиҵеит Атәылахьчара аминистрра ахаҭарнак, аинрал-маиор Игорь Конашенков.
Иқәху аобиектқәа иреиуоуп акомандаҟаҵаратә ҭыԥқәа 2, ахырӷәӷәарҭақәа 11, ари атехникеи ргыларҭақәа 95, аракета-артиллериатә бџьар аҵәахырҭақәа 4, аиланхарҭақәа Покровскоеи Гороховское рҿы.
Аракетатә ар уахык ала иҭадырхеит арратә обиектқәа 13. Николаевсктәи аобласт аҿы иҭархан украинатәи аракетатә комплекс "Точка-У", ф-раионк рҿы УАМ рыри ртехникеи ргыларҭақәа, артиллериатә батареиақәа 6, украинатәи ар рдивизион.
Уахык ала урыстәылатәи артиллериа иҭанархеит: 21 напхгараҭаратә ҭыԥ, 69 хырӷәӷәарҭа, 763 раион ари атехникеи ргыларҭақәа, 107 артиллериатә позициа. Иҭархоуп 280-ҩык амилаҭеилыхыҩцәа, 38 ак акәылӡтехникеи автомашьынақәеи.
Аҳауаҿагыларатә хьчара алшарала икажьуп 13 аԥырҩы дызҭам украинатәи ахархәагақәа, Каменки иахьаҵанакуа икажьуп ареактивтә хеиҵаҵа нашьақәгыла "Смерч" иҭнарҟьаз.