АҞӘА, лаҵара 3 - Sputnik. Фиодор Волков ихьӡ зху Аурыс драматә театр Аԥсны агатрольқәа амҩаԥгара иалагеит Фазиль Искандер ихьӡ зху РУСДРАМ асценаҿ ашәахьа лаҵара 2 азы.
Аҟәатәи ахәаԥшҩы идгалоуп акомедиа "Иззыԥшу ахҭыс".
РУСДРАМ асценаҿ зынӡа иддырбараны иҟоуп ԥшь-спектакльк, "Ахәар ҟаԥшь" - Васили Шукшин, "Иззыԥшу ахҭыс" - Игор Глинков, "Ельза лыдгьыл" - Иарослав Пулинович, фолк-рок-миузикл "Некрасов инаиркны Некрасов иҟынӡа" - Олег Грисевич.
Волков итеатр раԥхьаӡа акәны Аԥсныҟа иааит. Агастрольқәа еиҿнакааит РОСКОНЦЕРТ Урыстәыла акультура аминистрра агастроль-концерттә уснагӡа инақәыршәаны Аԥсны акультура аминистрра адгыларала.
Актиор, арежиссиор Фиодор Волков ихьӡ зху атеатр – Урыстәыла раԥхьатәиқәа иреиуоу, акыр шықәса зхыҵуа апрофессионалтә театруп. Иара шьаҭаркын 1750 шықәсазы, Иарославль.