Волков итеатр "Агастроль дуқәа" Аԥсны лаҵара 2 рзы ирылагоит
![Фотоакция Первый русский! в Ярославле Фотоакция Первый русский! в Ярославле - Sputnik Аҧсны, 1920, 15.04.2022](https://cdnn1.img.sputnik-abkhazia.info/img/07e5/09/01/1033136927_0:161:3071:1888_1920x0_80_0_0_bb5d2f6357fe5e717e514447f7a96672.jpg)
© Sputnik / Олег Смыслов
/ Анапаҵаҩра
Агастрольқәа еиҿнакааит РОСКОНЦЕРТ Урыстәыла акультура аминистрра агастроль-концерттә уснагӡа инақәыршәаны.
АҞӘА, мшаԥы 15 - Sputnik. Фиодор Волков ихьӡ зху Аурыс драматә театр лаҵарамза 2-5 рзы Аԥсныҟа аспектакльқәа ԥшьба аанагоит ҳәа аанацҳауеит РУСДРАМ апресс-маҵзура.
"Агастроль дуқәа" аҳәаанырцәтәи рхырхарҭала РУСДРАМ асценаҿ иддырбараны иҟоуп аспектакльқәа: "Ахәар ҟаԥшь" ( "Калина красная") Васили Шукшин, "Иззыԥшу ахҭыс" ("Предстоящее событие") Игор Глинков, "Ельза лыдгьыл" ("Земля Эльзы") Иарослав Пулинович, "Некрасов инаиркны Некрасов иҟынӡа" ("От Некрасова до Некрасова") Олег Грисевич.
Аспектакльқәа ирылахәуп атруппа иналукааша артистцәа, акинои асериалқәеи рҿгьы ахәаԥшцәа бзиа еицырбахьоу.
© Foto / Пресс-служба Министерства культуры Республики АбхазияГастроли театра Волкова
![Гастроли театра Волкова Гастроли театра Волкова - Sputnik Аҧсны, 1920, 15.04.2022](https://cdnn1.img.sputnik-abkhazia.info/img/07e6/04/04/1038480886_0:0:905:1280_1920x0_80_0_0_d4133b7a41ec6229ee0f3c6fce306749.jpg)
Гастроли театра Волкова
© Foto / Пресс-служба Министерства культуры Республики Абхазия
"Урыстәылазегьтәи агастроль-концерттә уснагӡа акрызҵазкуа, азҿлымҳара змоу проектны иҟоуп ҳаамҭазтәи акультураҿы. Ауснагӡа агеографиа иаҵанакуеит атеатрқәа, амилалҭтә коллективқәа рықәгылара", - ҳәа лҳәеит Акультура аминистр Ольга Лиубимова.
Аспектакльқәа мҩаԥысуеит лаҵара 2 - 5 рзы:
Лаҵара 2 - "Ахәар ҟаԥшь" ( "Калина красная") В. Шукшин,
Лаҵара 3 - акомедиа "Иззыԥшу ахҭыс" ("Предстоящее событие"),
Лаҵара 4 - амелодрама "Ельза лыдгьыл" ("Земля Эльзы"),
Лаҵара 5 - фолк-рок миузикл "Некрасов".
Аспектакльқәа ԥсшьарада сааҭки бжаки имҩаԥысуеит. Рызегьы асааҭ 19:00 рзы иалагоит.
Актиор, арежиссиор Фиодор Волков ихьӡ зху атеатр – Урыстәыла апрофессионалтә театрқәа реиҳа зхыҵуа иреиуоуп. Ишьаҭаркын 1750 шықәсазы, Иарославль.