АҞӘА, лаҵара 5 - Sputnik. Аҟәа аҿкчымазаратә хәшәтәырҭаҿы иҷыдоу ҩ-палатак аартуп аԥсыԥлагаҩагаратә чмазарақәа змоу ахәыҷқәа рзы ҳәа аанацҳауеит Агәабзиарахьчара аминистрра апресс-маҵзура.
Аминистр Едуард Быҭәба аминистрра аҟазауааи Аҟәатәи аҿкчымазаратә хәшәтәырҭа анапхгареи алархәны имҩаԥигаз аилацәажәараҿ ахәшәтәырҭа ԥхьаҟатәи аусура дазааҭгылеит.
Аминистр Едуард Быҭәба аминистрра аҟазауааи Аҟәатәи аҿкчымазаратә хәшәтәырҭа анапхгареи алархәны аилацәажәара мҩаԥигеит.
© Foto / Минздрав Абхазии
Апалата ҷыдақәа раартраз аӡбара рыдыркылеит Ареспубликатә хәыҷтәы хәшәтәырҭа ауадаҩрақәа дырԥсыҽырц.
Арҳәарах-ҿкыра змоу ахәыҷқәа ахәыҷтәы хәшәтәырҭахь ирыдыркылоит.