АҞӘА, лаҵара 5 – Sputnik, Сариа Кәарцхелиаԥҳа. Ақьырсианра аазырԥшуа зеиԥш маҷу аныхачаԥақәеи афотосахьақәеи рцәыргақәҵа мҩаԥгахоит Камантәи аберҭыԥ аҟны лаҵара 8 азы, абри атәы Sputnik акорреспонтент илзеиҭеиҳәеит Иоанн Ахьҿы Камантәи иберҭыԥ анцәаимҵаныҳәаҩ аиеромонах Игнати Киут.
"Ҳара ари ацәыргақәҵа зыҟаҳҵо Аԥсни Урыстәылеи ауаажәларра ирдыррыц ҳажәларқәа ҭоурыхлеи доуҳалеи аимадара шрыбжьоу", - ҳәа инаҵшьны иазгәеиҭеит Игнати Киут
Аберҭыԥ аҭыӡқәа рыҟны ицәыргахоит 50 инеиҳаны аусумҭақәа. Уаҟа иҟалоит аҳцәа рхылҵшьҭрақәа иреиуоу Чачба-Шерфашиӡеқәа рфотосахьақәа, иара убас зеиԥш маҷу аныхачаԥақәа.
Игнати Киут иазгәеиҭеит, ацәыргақәҵа дшаҭаауа Новоспасстәи аберҭыԥ арегент, уи инаигӡоит аԥсышәала "Ауардын" ашәа.
Ацәыргақәҵа аартхоит лаҵара 8, асааҭ 12:00 азы.