АҞӘА, лаҵара 5 - Sputnik. Урыстәыла аракетатә ар акомплекс "Точка-У" аҭырҟьага шьақәгылақәа ҩбеи акомплекс "Точка-У" атранспорт-хеиҵаҵага машьынеи ҭадырхеит, иара убасгьы иҭадырхеит артиллериатә батареиа ҳәа иҳәеит Атәылахьчара аминистрра ахаҭарнак ҷыда, аинрал-маиор Игор Конашенков.
"Уахык аҩнуҵҟала аракетатә ар УАМ акомандаҟаҵаратә ҭыԥқәа ҩба, артиллериатә батареиа, акомплекс "Точка-У" аҭырҟьага шьақәгылақәа ҩбеи акомплекс "Точка-У" атранспорт-хеиҵаҵага машьынеи ҭадырхеит", - иҳәеит Конашенков абрифинг аҿы.
Иара убасгьы иазгәеиҭеит урыстәылатәи аҳауахьчагақәа Украина АМ рҳаирпланқәа хԥа карыжьит ҳәа, Су-24 назлоу. Уахык ала иҭархан 32 украинатә напхгараҭаратә ҭыԥ, аџьаԥҳанышьҭаҵарҭақәа 5, 600-ҩык амилаҭеилыхыҩцәа, 61 ак арратә техника.
Аоперациа ҷыда иалагазар иҭархоуп 150 ҳаирплан, 112 вертолиот, 726 аԥырҩы дызҭам ахархәагақәа.