АҞӘА, лаҵара 6- Sputnik. Аԥсны ААР анаркотикқәа реикәыршара ахылаԥшразы аусбарҭа аусзуҩцәеи Аԥсны АШәМ аусзуҩцәеи дааныркылеит Узбекистан атәылауаҩ Сирдижоддин Жамолидинов анаркотикатә маҭәашьарқәа хыԥхьаӡара рацәала раахәара, рымазаара, рыҭира инапы алакын ҳәа иҟоу агәаанагарала. Абри атәы аанацҳауеит Аԥсны ААР апресс-маҵзура.
Иаанкылоу игәаҭараан идбалан аметадон згәылаз аилаҳәарақәа.
Жамолидинов иара убасгьы идбалан ателефонқәа ҩба. Урҭ рыла иара анаркотикқәа ахьиҵәахуаз аҭыԥқәа ҭыхны ауаа ирзишьҭуан.
Иаанкылоу иажәақәа рыла, иара Аԥсныҟа дааит анаркотикқәа рыларҵәаразы.
Жамолидинов далархәны Беигәа имҩаҿы иҵәахқәа аарԥшын. Аҭира иазырхиаз аилаҳәарақәа аарԥшын Арӡынба имҩаҿы.