АҞӘА, лаҵара 9 – Sputnik, Бадраҟ Аҩӡба. Аҟәа Амҳаџьырқәа рыԥшаҳәаҿы Идырым асолдаҭ ибаҟа аҿаԥхьа имҩаԥысит 1941-1945 шықәса рызтәи Аџьынџьтәылатә еибашьра Ду аан игаз Аиааира 77 шықәса ахыҵра иазку апарад.
Гәырӷьаратә шьаҿеиқәшәарала амҩа ианысит Аԥсны Атәылахьчара аминистрра аруаа, Аԥсны иҟоу Урыстәыла Атәылахьчара аминистрра иатәуп 7-тәи арратә базеи Аҳәаахьчаратә маҵзуреи рыруаа.
Апарад зегьы арратә музыка нарыгӡон еидкылоу арратә оркестр.
Апарад напхгара аиҭон Аԥсны атәылахьчара аминистр ихаҭыԥуаҩ Беслан Ҵәыџьба, апарад идикылеит- атәылахьчара аминистр Владимир Ануа.
Идырым асолдаҭ ибаҟа аҿаԥхьа еиҿкаан адәаҿтәи акҿаҩра.