АҞӘА, лаҵара 12 – Sputnik. Аҟәа ақалақь ААР ашьаусҭҵаара аҟәша аусзуҩцәа ашьаус хацдыркит анаркотикатә маҭәашьарқәа закәаншьаҭада раахәара, рымазаара, рымҩангара рзы ҳәа аанацҳауеит ААР апресс-маҵзура.
Иаанкылоу Артуш Сельвиан ихала азинхьчаратә усбарҭа аусзуҩцәа ириҭеит анаркотикатә маҭәашьар згәылаз аилаҳәара.
Ареспублика ААР акриминалистикатә центр аекспертцәа ишьақәдыргылеит уи амарихуана шакәыз.
Артуша Сельвиан иганахь ала ашьаус хацыркуп Аԥсны АЗ 223-тәи ахәҭаҷ 1 ахәҭа инақәыршәаны, атәыла алҵра шалимыршо азы ашәҟәынҵа имхуп.