АҞӘА, лаҵара 13 – Sputnik. Аԥсны АЕ аҳазатә зинеилагарақәеи аконтрабандеи рҿагыларазы аусбарҭа аусзуҩцәа иаԥдырҟәҟәааит изакәаншьаҭадаз аҭаҭын аалыҵ аҳазалхырҭатә ҭыԥ "Ԥсоу" ала аиагара. Абри атәы аанацҳауеит Аԥсны аҳазалхратә еилакы апресс-маҵзура.
6 440 ҭоԥ асигарет аарԥшын Урыстәыла иалҵуаз автомашьына аидараҭаҵарҭаҿ. Амашьына аԥсҟы икын Аԥсны атәылауаҩ. Аконтрабандатә аалыҵ иаазгоз имхын.
Иара убасгьы, АЕ адырра ҟанаҵеит аҽа транспорттә хархәагак агәаҭараан амашьына аҩнуҵаҟа ишырбаз 490 електронтә сигарет. Амашьына Урыстәылантә иаауан, аԥсҟы икын Урыстәыла атәылауаҩ.
Азинеилагараз аматериалқәа нашьҭуп Аԥсны АЕ аҳазатә ҭҵаарақәеи аилкаарақәеи рыҟәшахьы.