АҞӘА, лаҵара 17 - Sputnik. Алхратә комиссиа хадаҿы ашәҟәы дҭаргалеит 18-тәи аҭыԥ хадаҿы иалху акандидат Леонид Лакербаиа ҳәа аанацҳауеит "Аԥсныпресс" амаҵзура.
Апарламент ахь аиҭалхрақәа мҩаԥысит Гәдоуҭа ақалақь 18-тәи аҭыԥ хадаҟны лаҵара 14 рзы. Аиааира игеит Леонид Лакербаиа 55% абыжьқәа иманы.
Леонид Лакербаиа изы рыбжьы арҭеит 1279-ҩык алхыҩцәа, Беслан Ҭаркьыл изы – 975-ҩык.
Абжьыҭара иалахәын 2323-ҩык (62,89%).
Аԥсны Жәлар Реизарахь алхрақәа актәи ртур мҩаԥысит хәажәкыра 12 азы, аҩбатәи – хәажәкыра 26 азы. Гәдоуҭатәи 18-тәи алхырҭатә ҭыԥ хада, Аҟәа 8-тәи алхырҭатә ҭыԥ хада (Алашарбагатәи) аҿы аиҭалхрақәа рылаҳәан. Алашарбага аҳаблан аиҭалхрақәа мҩаԥгахоит лаҵара 28 азы.