АҞӘА, лаҵара 18 - Sputnik. Аԥыза-министр Александр Анқәаб Аԥсны АҶА ахада Лев Кәыҵниа иԥылараан иазгәеиҭеит иааиуа акурорттә сезон аҽазыҟаҵара ишазхәыцтәу. Абри атәы аанацҳауеит Аминистрцәа реилазаара асаит.
Аҭагылазаашьа ҷыдақәа рминистрра анапы ианҵоуп аԥсшьаҩцәа аӡаҿы, ашьхараҿы, атуристтә маршрутқәа рҿы рыԥсшьара ашәарҭадара аиҿкаара.
Иара убасгьы ирылацәажәан АҶА аматериал-техникатә еиқәыршәара, арегионалтә ҟәшақәа рырҿиара, ДЖәРи ЛЖәРи рҟынтәи рколлегацәеи дареи агуманитартә усхк ала реинырреи рызҵаарақәа.