АҞӘА, лаҵара 24 - Sputnik. Астрахантәи аҳазалхырҭаҿы Аԥснытәи автомашьынақәа ахархәараз аԥҟаррақәа реилагара аадырԥшит ҳәа аанацҳауеит Астрахантәи аҳазалхырҭа апресс-маҵзура.
Аҳазалхырҭа амобилтә гәыԥ Волгоградтәи аобласт аҿы амашьынамҩангага ааныркылеит. Иара иақәгылан Аԥсны ашәҟәы иҭагалаз, Краснодарнтәи Толиаттиҟа иргоз амашьынақәа фба: Nissan Fuga, Toyota Crown Athlete, Toyota Crown, Toyota Mark X.
Амашьынамҩангага аԥсҟы зкыз ицәыригаз ашәҟәқәа рҿы иазгәаҭахеит ЕАЕС аҳазатә закәанԥҵара аилагара, аамҭалатәи алагалара аҭагылазаашьа аилагарагьы налаҵаны.
Ашәҟәқәа рыла амашьынақәа Урыстәылаҟа иаларгалеит ахатәхаҿқәа ахатәхархәараз, аиурист хаҿқәа – жәларбжьаратәи амҩангарақәа рзы. Дара аҳазатә шәарақәа рхы иақәиҭтәын.
Азакәанԥҵара аҳәаақәа ирҭагӡаны Урыстәыла атәылауаа азин рымам аҳазалхратә усбарҭақәа рзин ада арҭ амашьынақәа ахархәара, аргылараз ма арҽеира азура ада.
Автомашьынақәа аргыларҭа ҷыдахь инагоуп. Ахҭыс аганахь ала ихацыркуп административтә усқәа фба.