АҞӘА, лаҵара 24 - Sputnik. Урыстәыла аладатәии агәҭантәии ахәҭақәа рҳаирбаӷәазақәа 11 рҟны иалагалоу аамҭалатәи аԥкрақәа ирыцҵоуп лаҵарамза 31 рҟынӡа, абри атәы аанацҳауеит Росавиациа.
"Урыстәыла аҳаирбаӷәазақәа 11 рҟны иалагалоу аамҭалатәи аԥкрақәа ирыцҵоуп лаҵарамза 31 рҟынӡа асааҭ 03:45 инаркны москватәи аамҭала", - аҳәоит адырраҭараҿы.
Зусура ԥку аҳаирбаӷәазақәа ирыҵаркуеит Анапа, Белгород, Брианск, Воронеж, Геленџьықь, Краснодар, Курск, Липецк, Ростов-на-Дону, Симферополь, Елиста.
Егьырҭ аҳаирбаӷәазақәа зегьы аус шыруц ируеит. Аԥырратә еилахәырақәа еиҿыркаауеит даҽа хырхарҭамҩақәак, иаҳҳәап, Шәача, Волгоград, Аминералтә ӡқәа, Ставрополь, Москва рхы иадырхәаларц.
Росавиациа аԥкрақәа аланагалеит жәабран 24 инаркны, Украина аоперациа ҷыда ианалага ашьҭахь, уи аахыс изныкымкәан аҿҳәара иацырҵахьеит.