АҞӘА, лаҵара 23 – Sputnik. Урыстәылатәи аруаа аракетақәа рыла Украина америкатәи агаубицақәа М-777 рџьаԥҳанышьҭаҵарҭақәа ықәырхит, абри атәы аанацҳауеит Урыстәыла атәылахьчара аминистрра.
"Аҵыхәтәантәи уахыки-ҽнаки рыҩнуҵҟа урыстәылатәи ар аракетақәа рыла ааха рырҭеит анапхгараҭаратә ҭыԥқәа хԥа, ари аибашьыгатә техникеи ргыларҭақәа 36, анхарҭатә ҭыԥ Соледа иҟаз ахаланыҟәатә амеханизациа зызу 14-тәи артиллериатә дивизион агәыԥ, иара убас Миньковка, Бахмут, Николаевка, Спорное, Лиман, ДЖәР аиланхарҭақәа рҟны иҟоу аџьаԥҳанышьҭаҵараҭақәа фба, урҭ рхыԥхьаӡараҿы иҟоуп Раздоловка иҟоу зымҽхак ҭбаау америкатәи агаубицақәа М-777 рзы арҭҟәацгақәа 155-мм рышьҭаҵраҭақәа", - аҳәоит адырраҭараҿы.
Урыстәылатәи аоператив-тактикатә авиациа уахыки-ҽнаки рыла ааха рнаҭеит ар рнапхгараҭаратә ҭыԥқәа ҩба, аџьаԥҳанышьҭаҵараҭақәа хԥа, ари аибашьыгатә техникеи ргыларҭақәа 80, ДЖәР ЗРК "Бук-М1", Донецктәи араион Краматорск аҟны урыстәылатәи аруаа иҭадырхеит украинатәи аҳаирплан МиГ-29. Зынӡа иҭархан 210-ҩык амилаҭеилыхыҩцәа, 31 ак аибашьыга техника.
Аракетатә ари артиллериеи иҭадырхеит анапхгараҭаратә ҭыԥқәа 84, ари атехникеи ргыларҭа ҭыԥқәа 463, артиллериатәи аминаршәгатәи аҟәшақәа 137, аибашьыгатә машьынақәеи атанкқәеи 13, "Град" шьақәгылақәеи аџьаԥҳанышьҭаҵарҭақәа хԥеи.
Аҳауахьчаратә системақәа икарыжьит аԥырҩы дызҭам хә-хархәагак, иааныркылеит "Смерч" 17 реактивтә хеиҵаҵа.
Урыстәыла Украина арратә операциа иалагеит жәабран 24 рзы. Владимир Путин иара иахықәку киевтәи арежим аҟынтәи Донбасс ауааԥсыра рыхьчароуп, "Украина адемилитаризациеи аденацификациеи" мҩаԥгатәуп иҳәеит.