АҞӘА, лаҵара 26 - Sputnik. Аԥсны адәныҟатәи аусқәа рминистр Инал Арӡынба Урыстәыла Адәныҟатәи аусқәа рминистр ахаҭарнак ҷыда, еицырдыруа америкатәи актиор Стивен Сигал диԥылеит ҳәа аанацҳауеит ААР Амедиацентр.
Иазгәаҭоуп аиҩызаратә ҟазшьа змаз аиԥылараан аҩганк зызҿлымҳау азҵаарақәа ишрылацәажәаз.
Сигал агуманитартә усхк аҟны аурыс-америкатәи аизыҟазаашьақәа рызҵаарақәа рыӡбара инапы алакуп, ари аус азы иара ауалафахәы иоуӡом.
Актиор Урыстәыла Адәныҟатәи аусқәа рминистр ахаҭарнак ҷыда ҳәа ачын иоуит 2018 шықәса нанҳәамзазы, уаанӡа - 2016 шықәса рзы иара Урыстәыла атәылауаҩра иоуит.