АҞӘА, нанҳәа 6 — Sputnik. Актер Стивен Сигал Урыстәыла Адәныҟатәи аусқәа рминистрра дахаҭарнакхоит урыстәыла-америкатәи агуманитартә еизыҟазаашьақәа рызҵаарақәа рзы. Абри атәы аанацҳауеит РИА Новости аусҳәарҭа Facebook аҿтәи адыррақәа ҵаҵӷәыс иганы.
"Стивен Сигал Урыстәыла Адәныҟатәи аусқәа рминистрра дахаҭарнакхоит урыстәыла-америкатәи агуманитартә еизыҟазаашьақәа рызҵаарақәа рзы. Уи хықәкыс иамоуп агуманитартә усхк аҟны урыстәыла-америкатәи аизыҟазаашьақәа рырҿиареи акультуреи, аҟазареи русхк аҟны аинырра арҿиареи", — ҳәа азгәаҭоуп адырраҭараҿы.
Аминистрраҿы иазгәарҭеит ари амаҵзура уаажәларра-политикатә маҵзуроуп ҳәа.
"Адунеижәларбжьаратә практикаҿы ари ООН агәыҳалалра Ацҳаражәҳәаҩцәа рнапынҵақәа иреиԥшны ишьоуп", — ҳәа аҳәоит адырраҭара атекст.
