АҞӘА, лаҵара 27– Sputnik. ДЖәР Украинатәи агрессиа иалагежьҭеит 7 550-ҩык ауааԥсыра ҭахахьеит. Урҭ рхыԥхьаӡараҿы иҟоуп 105-ҩык ахәыҷқәа. Абри аҩыза адыррақәа аалгоит Донецктәи ареспубликаҿ ауаҩытәыҩса изинқәа рыхьчаҩ Дариа Морозова.
ДЖәР Ахылаԥшреи аиҿкаареи еицырзеиԥшу ацентр адыррақәа рыла, аҵыхәтәантәи шәымш рыҩнуҵаҟа арегион аҟны аҭынчуааԥсыра 125-ҩык ҭахеит, урҭ рхыԥхьаӡараҿы ԥшь-ҩык хәыҷқәоуп, 578-ҩык ахәрақәа зоуз рахьынтәи 46-ҩык ахәыҷқәа ыҟоуп.
Урыстәыла Украина абџьархыхразы арратә операциа иалагеит жәабран 24 рзы. Владимир Путин иара иахықәку киевтәи арежим аҟынтәи Донбасс ауааԥсыра рыхьчароуп ҳәа ахиҳәааит.