АҞӘА, лаҵара 30 – Sputnik. Запарожиатәи аобласт ақалақь Мелитополь иҟаз атеракт иахҟьаны хҩык аахақәа роуит ҳәа аанацҳауеит РИА Новости ақалақь ахадараҟынтәи адыррақәа шьаҭас иҟаҵаны.
Ақалақь ахадара ахыбра ааигәара игылаз автомашьынақәа руак арҭҟәацга аҵаҵан.
Ашәахьа, асааҭ 7:40 рзы Мелитополь агәҭа аԥжәарабжь геит.
Запорожиатәи аобласт арра-граждантә напхгара ахаҭарнак Владимир Рогов атеракт азы аҭакԥхықәра киевтәи арежим иадиҵеит.