АҞӘА, лаҵара 31 - Sputnik. Аԥсни Урыстәылеи жәлар рартистка, аоператә шәаҳәаҩы Хьыбла Гьерзмааԥҳа лырҵаҩы, аконцертмеистер, апрофессор Евгениа Арефьева лыхьӡала еиҿкаау аконцерт аҿы дықәгылоит ҳәа аанацҳауеит РИА Новости.
Аиубилеитә концерт мҩаԥгахоит лаҵара 31, Чаиковски ихьӡ зху Москватәи аҳәынҭқарратә консерваториа Азал маҷ аҿы.
"Хьыбла иҭабуп ҳәа ласҳәоит уажәгьы сабжьгарақәа ахьлыдылкыло, сгәаанагара мап ахьацәылымкуа, иаҳа ианылцәыуадаҩу аамҭақәа раан сабжьгарақәа дахьырзыӡырыҩуа", - лҳәоит Арефьева.
Ахәылԥаз аҿы иқәгылоит Станиславскии Немирович-Данченкои рыхьӡ зху Москватәи академиатә музыкатә театр (МАМТ) асолистцәа: Лилиа Гаисина (асопрано), Елена Гусева (асопрано), Евгениа Афанасьева (асопрано), Ксениа Дудникова (амеццо-сопрано), Николаи Ерохин (атенор), Арсен Согомониан (атенор).
Иара убасгьы иқәгылоит Евгениа Арефьева лыкласс астудентцәеи аконцертмеистерцәа Екатерина Ганелинеи, Лиудмила Духани, Светлана Ефимовеи.