АҞӘА, рашәара 2 - Sputnik. Урыстәыла еицырдыруа алафҳәаҩ Евгени Петросиан Атәылахьчара аминистрра акциа далахәны Арратә клиникатә госпиталь хадаҿы зҽызхәшәтәуа аоперациа ҷыда алахәылацәа рҿаԥхьа дықәгылеит ҳәа аанацҳауеит аусбарҭа.
"Сгәыӷуеит шәҿаԥхьа иқәгылоу ауснагӡатәқәа зегь қәҿиарала ишынашәыгӡо азы. Уи акраҵанакуеит ҳажәлар рзы, ҳтәылазы. Ажәлар аҭагылазаашьа еилкааны еидгылеит", - иҳәоит иара.
Евгени Петросиан Атәылахьчара аминистрра акциа "Иреиӷьу адунеи аибашьцәа" аҳәаақәа ирҭагӡаны дықәгылон. Иара мҩаԥысуеит ахәцәа ргәыҟаҵараз.
Акциа аҳәаақәа ирҭагӡаны ахәшәтәырҭақәа рҿы ахәцәа рҿаԥхьа иқәгылахьеит акультура, аҭҵаарадырра, аспорт аҟазауаа Екатерина Гусева, Михаил Шуфутински, Олег Рои уҳәа назлоу.