АҞӘА, рашәара 3 - Sputnik. Амилициеи Аԥсны Аҳәынҭстандарти русзуҩцәа лаҵара 31 рзы закәаншьаҭада аус зуаз амаининг-ферма адыркит ҳәа аанацҳауеит Аԥсны ААР.
Аферма ихатәын Адамыр Адлеиба, иара иганахьала административтә зинеилагара ҳәа аԥкаанҵа шьақәыргылоуп.
Аппаратқәа (30 ак) Аԥсны ААР аҵәахырҭа ҷыдахь инагоуп.
Акриптовалиута арҳара Аԥсны азин аанкылоуп афымцамчусхк аҟны апроблемақәеи аинфраструктура ахьажәуи азы. Атәылахь амаининг хархәагақәа ралагалара азин ыҟам.