АҞӘА, рашәара 7 – Sputnik. Аԥсны урыстәылаа аԥсшьаразы иалырхуа аҳәаанырцәтәи ахырхарҭақәа хԥа ирыҵанакит ҳәа аҩуеит РИА Новости "аҵәахырҭа "Хоум кредит" адыррақәа шьаҭас иганы.
Аԥсныҟа аԥхынразы ԥсшьара ицарц ргәы иҭоуп 15% изыҿцәажәаз рҟынтәи. Ҭырқәтәыла алырхит 54%, Египет- 22%.
Европатәи атәылақәа рахь ицоит 13%, Таиланд - 9%, Абжьаратәи Азиа - 6%, Белоруссиа - 5%, Венесуела - 4%, Израиль - 4%, Индиа - 3%, абас азгәаҭоуп аҭҵаараҟны.
Изыҿцәажәаз урыстәылауаа рыбжа 58% аԥхынтәи рыԥсшьараамҭа Урыстәыла аҩнуҵҟа аныҟәарақәа рыла ирхыргарц ргәы иҭоуп.
Аԥхын ҩны (дача-аред.)аҟны аԥсшьаразы иалыркаауа ахырхарҭақәа аҩбатәи аҭыԥаҿ игылоуп, уи азы 34% рыбжьы арҭеит. Рыуацәеи рҭынхацәеи рахь ацара ргәы иҭоуп 26%, аҳәаанырцәҟа ицоит 13%, 2% макьаназы ирыздыруам рыԥсшьара шырхырго.
Аҭҵаара мҩаԥган а́зҵаарақәа рыла лаҵарамза анҵәамҭазы 1003-ҩык рыбжьара, урҭ рахьынтә 451-ҩык ахацәа, 552-ҩык аҳәса 18 шықәса зхыҵуаз инадыркны.
Урыстәылатәи атурпораторцәа рассациациа адыррақәа рыла, сынтәатәи аԥхантәи аԥсшьараз аԥснытәи акурортқәа рахь уаанӡатәи аамҭақәа ирыдкыланы аҿаҵарақәа ирыцлеит. Аԥсшьарҭа ҭыԥ дуқәа рыҭирақәа ныркылахьеит.