АҞӘА, рашәара 14 – Sputnik. Урыстәыла атәылауаҩ Собирхон Буриев Аҟәа дааныркылеит анаркотикқәа алаирҵәон ҳәа гәҩарас дышьҭыхны, абри атәы аанацҳауеит Аԥсны ААР апресс-маҵзура.
ААР аусзуҩцәа иаанкылоу 22 шықәса зхыҵуа аҷқәын ишәҵатәы аџьыба аҟынтәи иҭыргеит анаркотикатә маҭәашьар мефедрон згәылаз аилаҳәырақәа ааба, Буриев ишәыра иҭан- аилаҳәагақәеи аелектронтә капангеи.
Буриев иажәақәа рыла, иара Аԥсныҟа дааит анаркотикқәа рыларҵәаразы, иара убас идирбеит аилаҳәырақәа ахьаанижьхьаз аҭыԥ маӡақәа - Аҟәа Ауниверситеттә амҩа ала.
Зынӡа амилициауаа идырбалеит 50 грамм амефедрон. Анаркотикқәа рыларҵәаразы Буриев ирҳараны дыҟан 10 нызқь мааҭ.
Урыстәыла атәылауаҩ иганахьала Аԥсны Ашьаустә закәанеидкыла ахәҭаҷ 224 ахәҭа 3 апункт "в" ала иазԥхьагәаҭоу ашьаус хацыркуп (анаркотикатә маҭәашьарқәа хыԥхьаӡара рацәала раахәара, рымазаара, рыҭира рзы), аӡбарҭа ишаӡбаз ала, Буриев даанкылоуп.