АҞӘА, рашәара 16 - Sputnik. Аԥсуа еиқәырхаҩцәа ЛЖәР агуманитартә усқәа рынагӡара иалагеит, абри атәы аанацҳауеит АҶА апресс-маҵзура.
Аиқәырхаҩцәа арыцқьарақәа ирылагеит рашәара 9 рзы Украинатәи арбџьармчқәа ааха знаҭаз Стаханов ақалақь аҟны иҟоу астадион "Победа".
Уаҵәы Аԥсны АҶА аусзуҩцәа рыла ишьақәгылоу аԥсуа еиқәырхаҩцәа 15-ҩык русура иацырҵоит.
Аԥснынтәи Луганскҟа ицеит Аԥсны Аҭагылазаашьа ҷыдақәа рминистр Лев Кәыҵниа зхадараҿы дыҟоу 15-ҩык аминистрра аусзуҩцәа.