АҞӘА, рашәара 17 - Sputnik. Урыстәылатәи архәҭақәа Песочин араион Харковтәи аобласт аҟны иҟаз аҳәаанырцәтәи аибашьцәа рҭыԥ "Азов" ықәырхит, абри атәы аанацҳауеит Урыстәыла атәылахьчара аминистрра.
Уи адагьы, аҳауатә ҿагыларатә мчрақәа рхысрақәа ирыбзоураны уахыки-ҽнаки рыла иқәхын аибашьцәеи атехникеи ргыларҭақәа 18 раион, украинатәи артиллериа ахьгылоу ахысырҭаҭыԥқәа 10, зныкҟьара ихысуа ареактивтә системақәа рышьақәгылақәа "Град" фба, ДЖәР иҟаз абџьари аџьаԥҳани рышьҭаҵарҭақәа ҩба.
Аоператив-тактикатәи арратәи авиациеи рхысрақәа ирыбзоураны уахыки-ҽнаки рыла иқәхын аибашьцәеи атехникеи ргыларҭақәа 58 раион, иҭархан 200-ҩык инареиҳаны амилаҭеилыхыҩцәа, арадиолокациатә станциа ЗРК "Бук-М1","Оса-АКМ", аџьаԥҳаны шьҭаҵарҭа, атанкқәа жәаба, адәынтәи артиллериеи аминаршәгақәеи фба, иҷыдоу автомобилқәа 9.
Аҳауаҿагыларатә мчрақәа рыла уахыки-ҽнаки рыла икажьын украинатәи аҳаирплан Су-25, аԥырҩы дызҭам ахархәагақәа 15, "Байрактар ТБ-2" убрахь иналаҵаны, ЛЖәР аанкылара рылшеит "Точка-У" аракета, "Ураган" ахыршәгақәа ааба.
Аракетақәеи артиллериеи уахыки-ҽнаки рыла иреихсит ахысырҭаҭыԥқәа 38, аруааи арратә техникеи ргыларҭақәа 203 раион. Ахысрақәа ирыбзоураны иҭархан 350-ҩык инареиҳаны амилаҭеилыхыҩцәа, УАМ аԥырҩы дызҭам аԥырратә хархәагақәа рҭыԥк, акәылӡтәы машьынақәа ааба, аибашьыгатә машьынақәа БМ-21 ЗИАС "Град" хԥа, адәынтәи артиллериеи аминаршәгақәеи хԥа, иҷыдоу автомобилқәа 11.