АҞӘА, рашәара 20 - Sputnik. Аԥсны ахада Аслан Бжьаниа атәыла мрагыларатәи ахәҭахьы иусуратә гәаҭарақәа рҳәаақәа ирҭагӡаны даҭааит Очамчыра амшын баӷәаза, абри атәы аанацҳауеит ахада исаит.
Бжьаниа игәеиҭеит абаӷәаза аидарақәҵарҭа терминал, иара убас акамшьиа аус аиҭаусадулареи иҩоу аргыларатә еилаԥсақәа рҭыжьреи ирызку азауадқәа.
Ахада иныҟәарақәа раан ицын Апарламент Аиҳабы Лаша Ашәба, аԥыза-министр ихаҭыԥуаҩ Сергеи Пустовалов, АШәА ахантәаҩы Роберт Киут, Очамчыра араион ахада Беслан Бигәаа.
Лаҵарамзазы Аԥсны аԥыза-министр Очамчыратәи амшын баӷәаза аушьҭралшареи уи аграждантә статус аҟынтәи ҩ-хырхарҭак змоу астатус аҭара алыршареи ирызкыз аилацәажәара мҩаԥигеит. Уи аихшьалақәа атәыла ахада идыргалар акәын.
Очамчыратәи абаӷәазаҿы игылоуп Аԥсны иҟоу Урыстәыла АШәМ Аҳәаахьчаратә усбарҭа ахьчаратә шхәақәа, иара убас идгылоит аҭырқәа еидарамҩангагатә ӷбақәа.