АҞӘА, рашәара 22 - Sputnik. Асабша, ԥхынгәы 25 рзы Харитон Агрба абокс азы "Аинтерконтиненталтә храҿа" афинал аҟны дықәгылоит.
Аҵыхәтәантәи аиндаҭлараҿы еиԥылараны иҟоуп ҩ-гәыԥк - Урыстәылеи Азиеи еизгоу ркомандақәа, актәи ахәҭаҟны дара аԥхьахә ҭыԥқәа ргеит, Африкеи Америкеи ркомандақәа ираԥыргеит.
Урыстәылатәи акоманда агәыԥқәа реиндаҭлараҿы х-иааирак ргеит, азиатәи абоксиорцәа урыстәылатәи аспорсменцәа знык ирыҵахеит 2-3 ҳәа.
Харитон Агрба дықәгылоит урыстәылатәи акоманда даланы 68 кьыла зыкапан ыҟау рыбжьара. Аицлабра х-ендаҭларак рҟны х-иааирак игеит: венесуелатәи аспортсмен Мичел Маркано, узбектәи абоксиор Бобо-Усмон Батуров, Нимибиинтәи- Бенхард Бернард.
Афинал аҟны Агрба диқәшәеит узбектәи абоксиор Бобо-Усмон Батуров.
Аицлабра аамҭаԥҵәала акомандақәа шьақәгылоуп хәҩык-хәҩык рыла, зыкапантә ҩаӡара 63, 80, 90 кьыла рҟынӡа инаӡо. Аицлабра ԥшьраундк ыҟоуп хԥа-хԥа минуҭ.
Акәаталақәа еиҟарахар аиааира игеит ҳәа дыԥхьаӡоуп аҵыхәтәантәи араунд аҟны аԥыжәара змаз аспортсмен. Аиндаҭлараҿ аспортсмен икомада еиҭоит кәаталак. Иаҵахаз икоманда кәатала аиуӡом.