АҞӘА, рашәара 22 - Sputnik. Урыстәыла Атәылахьчара аминистрра аоперациа ҷыда иалацәажәо иазгәанаҭоит аӷа ацәыӡ дуқәа имоуп ҳәа.
"Рашәара 21 азы урыстәылатәи ар Николаевсктәи аӷбаргыларатә зауад "Океан" ацехқәа рҿы игылаз УАМ абџьари аибашьыга техникеи ааха рырҭеит, иҭадырхеит 500-ҩык рҟынӡа украинатәи аруаа", - аҳәоит аусбарҭа адырраҭараҿы.
60% рҟынӡа аррамаҵзурауаа ацәыӡит ЛЖәР аиланхарҭақәа Горское, Подлесное, Врубовка рҿы еибашьуаз 57-тәи амотошьаҟатә бригада абатальон. Дара зегьы рнапхгара рыдҵақәа рынагӡара мап ацәкны рпозициақәа нрыжьит.
Иара убасгьы ДЖәР, Николаевка иахьаҵанакуазынтә иқәган ЕААи Великобританиеи рҟынтәи иааны еибашьуаз 30-ҩык ахәцәеи ишьыз ааҩыки урыстәылаа ирытҟәар ҳәа ишәаны.
Урыстәыла жәабран 24 азы иалагеит аоперациа ҷыда Украина. Киев аганахь еибашьуеит аԥара ззыршәо аҳәаанырцәуаа рацәаҩны. Урҭ жәларбжьаратәи агуманитартә зин анормақәа рыла комбатантны ишьаӡам.