АҞӘА, рашәара 23 - Sputnik. Гагратәи араионтә ӡбарҭа Ҟәланырхәа ақыҭа анхаҩы Баҭал Ақаҩба анаркотикқәа иҭиуан ҳәа шьақәнарӷәӷәеит. Абри атәы аанацҳауеит Апрокуратура хада.
Атәылауаҩ Ақаҩба хыԥхьаӡара рацәала (1,4 грамм) анаркотикқәа иҭиуан ҳәа ахара идҵаны дырбаандаҩын, иара жә-шықәса зрежим ӷәӷәоу аколониаҿ ихигарци 400 нызқьмааҭ ахараԥса ишәарци аӡбара рыдыркылеит.
Аԥхьанатә Баҭал Ақаҩба ахара идырҵон 19,9 грамм анаркотикқәа иҭиит ҳәа.
Аха аӡбарҭа иус еиҳа иԥсыҽу ахь ииаргеит. Аӡбарҭа агәаанагарала, ахара здырҵо иҩнаҭаҿы аԥшаарақәа азакәан еилаганы имҩаԥган.
Ахарадҵа инаваргыланы Аҩнуҵҟатәи аусқәа рминистрраз хаҭалатәи ақәҵара рыдкылан. Баҭал Ақаҩба идукатцәа аҳәара ҟарҵеит иара ихарадҵа ахьышьақәырӷәӷәам азы ддыриашарц. Апрокуратура акәзар, аҳәара ҟарҵеит иԥсы ахьынӡаҭоу ҭакрала ихгареи имазара имхреи азы аӡбара рыдыркыларц.