АҞӘА, рашәара 23 - Sputnik. Ашәаҳәаҩ Иури Шатунов иԥсҭазаара далҵит рашәара 22 ауха ҳәа аанацҳауеит РИА Новости, амузыкант ихаҭарнак идыррақәа шьаҭас иҟаҵаны.
"Иахьа ацхыраара ласы амашьынаҿы Иури Шатунов игәы аангылан дыԥсит", - иҳәеит иара.
Амузыкант 48 шықәса ихыҵуан.
Иури Шатунов ихәыҷра ауадаҩрақәа ацын. Ахәыҷқәа рзы аҩнаҿы драаӡон. Ус шакәызгьы, амузыкант амузыкатә студиа аменеџьер илаԥш дыҵашәеит, аҟыбаҩ шилаз ааԥшит, анаҩс атәылаҿ еицырдыруаз шәаҳәаҩны дҟалеит.
"Ласковый май" далахәны инеигӡоз ашәақәа "Белые розы", "Седая ночь" иахьа уажәраанӡагьы ирдыруеит, бзиа ибаны ирҳәоит.