АҞӘА, рашәара 27 - Sputnik. Лугансктәи Жәлар Рреспублика аибашьцәа даҽа 250-ҩык аҭынч уааԥсыра ахимиатә наплакы "Азот" аҟынтәи иқәыргеит ҳәа ааицҳауеит Урыстәыла иҟоу ареспублика ацҳаражәҳәаҩ Родион Мирошник Telegram-канал аҿы.
Иара иазгәеиҭеит агәыԥ ахәыҷқәагьы шрылоу.
"Лугансктәи Жәлар Рреспублика амилициа аибашьцәа ахәыҷқәа злаз аҽа 250-ҩык аҭынч уаԥсыра ахимиатә наплакы "Азот" аҟынтәи иқәыргеит", - ҳәа азгәеиҭоит Мирошник.
Иара иажәақәа рыла, иацы "Азот" аҟынтәи 200-ҩык ауааԥсыра ықәган.
Азауад "Азот", мариупольтәи "Азовсталь" иеиԥшныршьало, иацы ЛЖәР рмилициеи урыстәылатәи ари рнапахьы иааргеит. Анаплакы аҵакыраҿы макьанагьы украинатәи аибашьцәа рҽыҵәахны иҟазар ҟалоит. Амҽышаҽны урҭ рҟынтәи 70-ҩык рабџьар шьҭарҵеит.