АҞӘА, ԥхынгәы 4 - Sputnik. Аԥсны ахада Аслан Бжьаниа дидикылеит абылтәы азы ахәԥса ладырҟәырц азы 17 мшы имлашьуаз активист Џьансыхә Адлеиба.
Абри атәы аанацҳауеит атәыла ахада иофициалтә саит.
Аиԥылара далахәын Жәлар Реизара аиҳабы ихаҭыԥуаҩ Асҭамыр Аршба.
Иҳаҩсыз амҽыша рашәара 28 рзы Бжьаниа Адлеиба ахада Иусбарҭахь ааԥхьара ииҭеит анефҭаалыҵқәа рыхәԥса аҭышәныртәаларазы аусмҩаԥгатәқәа зеиԥшроу иирдырырц. Ахада ауаажәларратә усзуҩ ажәа ииҭеит ҩымчыбжьа ирылагӡаны абылтәы ахәԥса ишагхо. Убри ашьҭахь Џьансыхә Адлеиба амлашьра даҟәыҵит.