Мышқәак раԥхьа Аԥсны аԥыза министр ихаҭыԥуаҩ, аекономика аминистр Кристина Озган акадастртә система ари ашықәс нҵәаанӡа аус адулатәуп ҳәа адҵа ҟалҵеит.
Сангәлиа еиҭеиҳәеит акадастртә система заҭаху, насгьы уи иаӡбар иалшо азҵаарақәа ртәы. Иара иҳәеит асистема шышьақәыргылоу, рдыррақәа зхы иазырхәарц зылшо.
Аҳәынҭқарратә кадастртә палата аиҳабы иҳәеит урыстәылатәи рколлегацәеи дареи русеицура атәы, иҳәеит цәыббрамзазы асистема гәаҭарак аҳасабала ишалырҵәахо, уи иагу иабзоуи усҟан еилкаахоит ҳәа азгәеиҭеит Сангәлиа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.