АҞӘА, ԥхынгәы 7 – Sputnik. Аԥыза-министр актәи ихаҭыԥуаҩ, аекономика аминистр Кристина Озган абылтәы азы аилахәырақәа рнапхгаҩцәа алархәны анефҭаалыҵқәа рџьармыкьаҿы иахьазы иҟоу аҭагылазаашьа далацәажәеит.
Аилацәажәара алахәылацәа азааиит. иахьазы Аԥсны аус зуа ахәԥсеиҿкаара аилахәырақәа ракәымкәа ауааԥсыра ринтересқәа ишрықәшәо.
Иахьазы абензин ахә "Роснефть" аҿы ада зехьынџьара иларҟәуп: АИ-95 ф-мааҭк илаҟәит лаҵарамза иаҿырԥшны. Адизельтә былтәы ахә шыҟоу иҟоуп аахәаԥса аҽахьеиҭанамкыз азы.
Иазгәаҭан акурорттә аамҭазы абылтәы аагара аҿҳәарақәа ишрыцло, аха убри аан иазхо аҵәах ыҟоуп ҳәа.
Хәажәкыра 1 азы Аминистрцәа реилазаара нефҭаалыҵқәак рыхәԥса ахәаахәҭратә хәыԥса шьақәдыртәеит. Аиҳабыра рықәҵарала лаҵара 1 азынӡа абензин АИ-92 ахәԥса узхымсуа ацҵа 6 - 14%, адизельтә былтәы –2 - 5% ҳәа ишьақәдыргылеит.
Ари аҩыза аҭышәныртәаларатә форма аахәаратә хәыԥса иаҿырԥшны, узхымсуа ацҵа ҳәаақәнаҵалоит ҳәа лҳәеит Озган.