АҞӘА, ԥхынгәы 8 – Sputnik. Иапониа уаанӡатәи аԥыза-министр Синдзо Абе ихәра иахҟьаны ахәшәтәырҭаҿы иԥсҭазаара далҵит ҳәа аарыцҳауеит АИХқәа.
Аполитик иеиқәырхара иазықәԥон Нара Амедицинатә университет ахәшәтәырҭа аҳақьымцәа. Синдзо Абе 67 шықәса ихыҵуан.
Иапониа уаанӡатәи аԥыза-министр Синдзо Абе Нара ақалақь аҿы иқәгылараан еихсит ахәаша асааҭ 11.30 рзы аҭыԥантәи аамҭала. Ацәгьоуҩы, 41-шықәса зхыҵуа Тецуиа Иамагами жәа-метрак набжьаны Абе ишьҭахьҟала иқәкны ҩынтә дхысит.
Аполитик аԥхьаҵәҟьа ихдырра ыҟан. Ихәдеи игәы инаҵакни ашьа аауан.