АҞӘА, ԥхынгәы 12 - Sputnik. Урыстәыла Атәылахьчара аминистрра аҳәамҭа ҟанаҵеит Украина қьырала еибашьуа аҳәаанырцәуаа рыжәлақәа шазгәанаҭо, рсиақәа шамоу. Абри атәы аҳәоит аусбарҭа аофициалтә Telegram-канал аҿы.
Қьырала Украина еибашьуаз аҳәаанырцәуаа рхыԥхьаӡара хымчыбжь рыҩныҵҟа акыр еиҵахеит: 3221-ҩык рҟынтәи 2741-ҩык рҟынӡа, уи Донецки Лугански ареспубликақәа рмилициеи ржәылара ӷәӷәақәа ирыбзоурахеит, аҳәоит адырраҭараҿы.
Аҵыхәтәантәи ахымчыбжь рыла иааз 151-ҩык шракәугьы иҭахаз 391-ҩык ыҟоуп, аҽа 240-ҩык Украина аанрыжьит.
Аминистрраҿы ирҳәоит урҭ реиҳараҩык Польшантәи ишааз. Иҭадырхахьеит 166-ҩык аполиак еибашьцәа, 50 қырҭуа еибашьцәа, 23-ҩык Британиа ду аибашьцәа, 21 румеибашьцәа, 15-ҩык канадаа. Атәылахьчара аминистрраҟны иазгәарҭеит, дара Украина аҵакырахь иааиаанӡа рхаҭарақәа шырдыруа.
Ԥхынгәы 6 азы Украинаҟа иааит британиаа: Колин Скоти Адриан Девиси, америкаа: Маикл Вуикович, Ендриу Фокс, Оливер Шорт.
Жәларбжьаратәи агуманитартә зин нормақәа инарықәыршәаны қьырала еибашьуа комбатантцәаӡам, азинтә хьчара иаҵанакӡом, дара рыҭҟәар- ашьауӷатә ус иаҵанакуеит.
ДЖәР Иреиҳаӡоу аӡбарҭа ашьра рықәнаҵеит қьырала еибашьуаз хҩык: Британиа атәылауаа ҩыџьеи Марокко атәылауаҩи.