АҞӘА, ԥхынгәы 14 – Sputnik. Донецктәи Жәлар Рреспублика аҳауаҿы украинатәи аҳаирпланқәа ҩба карыжьит ҳәа аанацҳауеит Атәылахьчара аминистрра.
"Донецктәи Жәлар Рреспублика аҳауаҿы украинатәи аҳаирпланқәа ҩба карыжьит: Су-24 - аиланхарҭа Славианск ааигәара, МиГ-29 - Троицкое ааигәара", - аҳәоит адырраҭара.
Аоператив-тактикатә авиациеи, аракетақәеи, артиллериеи рыла ааха рыҭоуп анапхгараҭаратә ҭыԥқәа 19, 78 раион рҿы артиллериатә позициақәа, 232 раион рҿы УАМ аруааи атехникеи. Икылкаан ихысуа абџьар ала ааха рыҭоуп 35-тәи аршьаҟауаа рыбригада ргыларҭақәа, 54-тәи амеханизациатә бригада, 81-тәи аеромобилтә бригада, 109-тәи аҵакырахьчаратә бригада.
Иааидкыланы зықьҩык ауааԥсыреи аибашьыга техника 100 аки рҟынӡа ҭархоуп. ДЖәР аҿы ааха аҭоуп 14-тәи амеханизациатә бригада абаталион агыларҭа. Иҭархоуп 43-ҩык аибашьцәа, 170-ҩык хәуп.
Запорожиатәи аобласт аҿы урыстәылатәи авиациа УАМ амеханизациатә бригада 97-тәи абаталион иажәлеит. Иҭархоуп 30-ҩык амилаҭеилыхцәа, 37-ҩык хәуп. Аракетақәа "Калибр" рыла Запорожие ааха рыҭоуп ангарқәа рҿы игылаз УАМ 45-тәи артиллериатә бригада ареактивтә системақәа.
Уахык ала ааха рыҭан ишьаҟьоуп акомандаҟаҵарҭатә ҭыԥқәа ԥшьба, аџьаԥҳанышьҭаҵарҭақәа хԥа, абылтәыҵәахырҭа, аибашьыга техникеи аруааи. Иҭархоуп РСЗО абатареита Славианск иахьаҵанакуа, РСЗО авзвод Николаевка иахьаҵанакуа, америкатәи агаубицақәа М-777 ралтиллериатә взвод Харьковтәи аобласт аҿы.
ПВО икарыжьит 12 дрон, рыԥырра еиԥырҟьоуп ҩ-баллистикатә ракетак "Точка-У", ареактивтә система "Ураган" ахгәыцәқәа.