2015 шықәса инаркны Риҵатәи амилаҭтә парки Гәдоуҭатәи аҵараҟәшеи имҩаԥыргоит аекологиатә проект, уи хықәкы хадас иамоуп Аԥсны акырзҵазкуа аԥсабаратә ҭыԥқәа рыхьчареи ахдырреи ҳәа азгәалҭеит аицәажәараҿы Шәлымба.
"Аиҵбыратәи аклассқәа реиԥш аиҳабыратәи аклассқәагьы гәахәарыла рхы аладырхәит апроект. Имҩаԥган истандартәым аурокқәа, асахьақәа рцәыргақәҵа. Иара убас ашколхәыҷқәа аҳәырԥсарра иаҭааны авидеонҵамҭақәа ҟарҵеит", - ҳәа еиҭалҳәеит Шәлымԥҳа.
Анаҩс араион аҟны Риҵатәи апарк аиҳабыра рнапхгарала имҩаԥган иалкаахаз ашколхәыҷқәа еиуеиԥшым аҳамҭақәа ранашьара, иара убас арҵаҩцәа афинанстә цхыраара рыҭара. Уи адагьы сынтәатәи апроект аҩнуҵҟа ахәыҷқәа иаздырхеит ҩ-ҭҵааратә усумҭак.
Стелла Шәлымԥҳа инаҵшьны иазгәалҭеит аекологиатә ҵарааӡара аинтерес шыҭбаахаз, апроект зхы алазырхуа ашколхәыҷқәа рхыԥхьаӡара есышықәса ишеиҳахо.
Аицәажәара шәазыӡырҩыр шәылшоит аудиофаил аҿы хыхь.