АҞӘА, ԥхынгәы 18 – Sputnik, Бадри Есиава. Аԥсны 20 нызқь тонна аџьырқәреи аҽаҩра иазыԥшуп 2022 шықәсазы ҳәа Sputnik иазеиҭеиҳәеит Ақыҭанхамҩа аминистрра аекономика аҟәша аиҳабы Беслан Папба.
Иара иҳәеит 9843 гектар адгьылқәа шыцәаӷәоу, ишылаҵоу - 8473 гектар.
Аџьықәреи иазоужьу амхқәа
Араион | Ахыԥхьаӡара |
Гагра араион | 168 гектар |
Гәдоуҭа араион | 2275 гектар |
Аҟәа араион | 100 гектар |
Гәылрыԥшь араион | 800 гектар |
Очамчыра араион | 2600 гектар |
Тҟәарчал араион | 1200 гектар |
Гал араион | 2700 гектар |
Папба иара убасгьы иҳәеит сынтәатәи арбагақәа 2021 шықәсатәи арбагақәа рацәак ишреиҳам. Убри аан иаҵишьит ҳтәыла ауааԥсыра ирҭаххо аџьықәреи ахышәаҵышәа ианамуӡах, даҽа ҩынтә еиҳахар шакәу, аҳәаанырцәынтә аџьықәреии ашылеи арахь раагара аҭахымхарц азы.
2022 шықәса ааԥыни аԥхынреи ӡысаамҭан, аха аҽаҩра иаԥырхагамхартә иҟан иҳәеит Папба. Иара иажәақәа рыла, уи аџьықәреи аҽаҩра анырра анамҭароуп, аха ахәшәтәрақәа мҩаԥгатәуп. Ақыҭанхамҩа аминистрра есышықәса ахәшәқәа араионқәа рхадарақәа еихшаны ирырҭоит.