АҞӘА, ԥхынгәы 18 – Sputnik. НАТО Финлиандиа абазақәа аргылар, Урыстәыла ахатә шәарҭадара аиҿкааразы ауснагӡатәқәа аднакылар акәхоит ҳәа Россия 24 аефир аҿы иҳәеит Финлиандиа иҟоу Урыстәыла ацҳаражәҳәаҩ Павел Кузнецов.
"Финлиандии аҵакыраҿы НАТО аинфраструктура - арратә базақәа, ажәыларатә абџьар, аракетатә комплексқәа уҳәа рҩызцәа дыргылар, Урыстәыла ашәарҭадара аиҿкааразы ауснагӡатәқәа аднакылар акәхоит", – иҳәеит иара.
Адипломат деигәыӷуеит финтәи аусбарҭақәа асеиԥш аҭагылазаашьа аҿиара иара Финлиандиа ахаҭазы ишыбзиам еилыркаап ҳәа.
Уаанӡа Медведев иҳәахьан НАТО аҽырҭбаара иацнаҵар, урыстәылатәи аҳәаа аиҭарӷәӷәара аҭаххоит ҳәа.